Արմինե Մելիք -- Իսրայելյանի ՙԴամավանդից մինչ Արարատ՚ ֆիլմը նվիրված է իրանահայ ազգային գործիչ, մտավորական, բարերար Լևոն Ահարոնյանին: Այն ներկայացնում է ազգային գործչի ծավալած գործունեության մի մասը ՙԲարերարը՚ ենթավերնագրի տակ, ուր ներկայացված են նրա ծննդավայր Իրանի Իսլամական հանրապետությունում և հայրենիքում՝ Հայաստանի Հանրապետությունում կատարված մնայուն բարեգործություններն ու ունեցած մեծ ներդրումը հայ -- իրանական հարաբերությունների մեջ: Երկու երկրների մեջ գործող այս բարի կամքի դեսպանի ու մեծ հայի հավաքական կերպարը ֆիլմում տեսանելի է դառնում նրա արած գործով և փաստացի վկայությունն է հայի իրական տեսակի: Ֆիլմը նվիրվել է Լևոն Ահարոնյանին նրա ՙՓոթորկոտ կյանքիս օրերը՚ գրքի շնորհանդեսի առիթով, որը մեծ շուքով տեղի ունեցավ մայիսի 30- ին Հայաստանի Ազգային Պատկերասրահում: Հեղինակներ՝ Արմինե Մելիք -- ԻսրայելյանՄիքայել Սուրենյանց